Tuesday, August 9, 2022
ہومFamilyاور۔۔۔۔۔۔۔ وہ بےنقاب ہو گیا

اور۔۔۔۔۔۔۔ وہ بےنقاب ہو گیا

غریب عورت راشن کا ڈبہ لے کر گھر پہنچی
نقاب اتارا ۔
اور کھانا پکانے کی تیاری کرنے لگی ۔
بچے خاموشی سے دیکھ رہے تھے ۔
بیٹی نے پوچھا :
” ماں ۔۔۔۔ یہ راشن کہاں سے ملا ۔۔۔۔۔؟”
” ایک بڑے آدمی نے دیا ہے ۔۔۔۔؟”
” بڑا آدمی ۔۔۔۔؟” بیٹی نے چونک کر پوچھا ۔
” ہاں ۔۔۔۔ بہت بڑا آدمی ۔۔۔۔ فوج ، سپاہی ،ادارے ، سب اس کے ماتحت ہیں ۔۔۔۔”
بیٹی حیرانی سے بولی ۔
” اتنے بڑے آدمی نے اتنا چھوٹا سا پیکٹ دیا ۔۔۔۔؟”
ماں نے اثبات میں سر ہلایا ۔
” ہاں ۔۔۔۔ بیٹا ۔۔۔۔۔ صرف عہدہ بڑا تھا اس کا ۔۔۔۔ “
بیٹی چپ ہوگئی ۔ سوچتی رہی ۔ پھربولی ۔
” کسی کو پتا تو نہیں چلا اماں ۔۔۔ کہ تم یہ خیرات کا راشن لائی ہو ۔۔۔۔؟ “
ماں نے انکار میں سر ہلایا ۔
” نہیں ۔۔۔۔۔ میں نے نقاب لگایا ہوا تھا ۔۔۔۔۔ تصویر کھنچی تو میرے عبایا نے میرا چہرہ چھپالیا ۔۔۔۔”
بیٹی تڑپ گئی ۔
” اماں ۔۔۔۔۔ تمہیں شرم نہیں آئی ۔۔۔۔ خیرات لیتے وقت تصویر کھنچواتے ہوئے ۔۔۔۔۔”
ماں نے پھیکی سی مسکراہٹ سے کہا ۔
” نہیں بیٹا ۔۔۔۔۔۔ اُسے بھی نہیں آئی ۔۔۔۔ میں تو نقاب میں تھی ۔۔۔۔ وہ بے نقاب ہو گیا ۔۔۔۔

RELATED ARTICLES

جواب چھوڑ دیں

براہ مہربانی اپنی رائے درج کریں!
اپنا نام یہاں درج کریں

Most Popular

Recent Comments

محمد احسان یونس on چھوٹے گھر بڑے لوگ