خلاصہ القرآن : 17 سترھواں پارہ​

خلاصہ القرآن
Spread the love

الحمد اللہ آج خلاصہ القرآن کا سترھواں پارہ​​ مکمل ہوا۔

خلاصہ القرآن مکمل پڑھیں

اس پارے میں دو حصے ہیں:

  1. سورۂ انبیاء
  2. سورۂ حج

خلاصہ القرآن مکمل پڑھیں

 سورۂ انبیاء میں تین باتیں یہ ہیں:

  1. قیامت
  2. رسالت
  3. توحید

قیامت:

بتایا گیا ہے کہ قیامت کا وقوع اور حساب کا وقت بہت قریب آگیا ہے، لیکن اس ہولناک دن سے انسان غفلت میں پڑے ہوئے ہیں نیز قربِ قیامت میں یاجوج اور ماجوج کو کھول دیا جائے گا اور وہ رہ بلندی سے اتر رہے ہوں گے۔

نیز مشرکین اور ان کے اصنام قیامت کے دن دوزخ کا ایندھن بنیں گے۔

رسالت:

رسالت کے ضمن میں سترہ انبیائے کرام علیہم السلام کا ذکر ہے:

  1. حضرت موسیٰ علیہ السلام ،
  2. حضرت ہارون علیہ السلام
  3. حضرت ابراہیم علیہ السلام ،
  4. حضرت لوط علیہ السلام،
  5. حضرت اسحاق علیہ السلام ،
  6. حضرت یعقوب علیہ السلام ،
  7. حضرت نوح علیہ السلام ،
  8. حضرت داؤد علیہ السلام ،
  9. حضرت سلیمان علیہ السلام ،
  10. حضرت ایوب علیہ السلام ،
  11. حضرت اسماعیل علیہ السلام ،
  12. حضرت ادریس علیہ السلام ،
  13. حضرت ذی الکفل علیہ السلام ،
  14. حضرت یونس علیہ السلام ،
  15. حضرت زکریا علیہ السلام ،
  16. حضرت یحیٰ علیہ السلام اور
  17. حضرت عیسیٰ علیہ السلام

ان سترہ میں سے کچھ انبیائے کرام علیہم السلام کے قصے قدرے تفصیل سے بیان کیے گئے ہیں اور باقیوں کا اجمالی ذکر ہے۔

انبیائے سابقہ کے قصے بیان کرنے کے بعد بتایا گیا کہ محمد رسول اللہ صلی اللہ علیہ وسلم دین اور دنیا میں سارے جہانوں کے لیے رحمت ہیں، آپ نے ﷲ کا پیغام انسانوں تک پہنچا دیا، مگر جب ہر قسم کے دلائل پیش کرنے کے بعد بھی لوگ نہ سمجھے تو آپ نے ﷲ سے دعا کی ، اسی دعا پر یہ سورت ختم ہوتی ہے ، دعا یہ ہے:

”رَبِّ احْكُم بِالْحَقِّ ۗ وَرَبُّنَا الرَّحْمَٰنُ الْمُسْتَعَانُ عَلَىٰ مَا تَصِفُونَ“

”اے میرے پروردگار! حق کا فیصلہ کردیجیے اور ہمارا پروردگار بڑی رحمت والا ہے ، اور جو باتیں تم بناتے ہو ان کے مقابلے میں اسی کی مدد درکار ہے۔“

توحید:

توحید پر چھ دلائل ذکر کیے گئے ہیں:

  1. آسمان اور زمین دونوں ملے ہوئے تھے، ہم نے دونوں کو جدا جدا کردیا۔
  2. ہم نے ہر جاندار چیز کو پانی سے بنایا ہے۔
  3. ہم نے زمین میں پہاڑ بنائے، تاکہ لوگوں کے بوجھ سے زمین ہلنے نہ لگے۔
  4. ہم نے زمین میں کشادہ راستے بنائے، تاکہ لوگ ان پر چلیں۔
  5. ہم نے آسمان کو محفوظ چھت بنایا۔
  6. رات دن ، سورج اور چاند کا نظام بنایا، ہر ایک اپنے اپنے مدار میں انتہائی تیز رفتاری سے گھوم رہا ہے، نہ ان میں ٹکراؤ ہوتا ہے اور نہ ہی وہ خلط ملط ہوتے ہیں۔

خلاصہ القرآن مکمل پڑھیں

 سورۂ حج میں چھ باتیں یہ ہیں:​

  1. قیامت: (قیامت کی ہولناکیوں کے دل دہلانے والی منظر کشی کی گئی ہے۔)
  2. تخلیق انسان کے سات مراحل:
    1. مٹی
    1. منی
    1. خون کا لوتھڑا
    1. بوٹی
    1. بچہ
    1. جوان
    1. بوڑھا
  3. ملل اور مذاہب کے لحاظ سے چھ گروہ: مسلمان ، یہودی ، صابی(ستارہ پرست) ، عیسائی ، مجوسی (سورج ، چاند اور آگ کا پجاری) ، مشرک(بت پرست)
  4. حضرت ابراہیم علیہ السلام کا اعلان حج: (حضرت ابرہیم علیہ السلام نے جبل ابی قیس پر کھڑے ہوکر حج کا اعلان کیا تھا ، یہ اعلان ﷲ تعالیٰ نے اپنی قدرت سے زمین و آسمان میں رہنے والوں تک پہنچادیا تھا۔)
  5. مؤمنوں کی چار علامات: ﷲ کا خوف ، مصائب پر صبر ، نماز کی پابندی ، (۴)نیک مصارف میں خرچ کرنا
  6. دیگر احکامات: مثلا مناسک حج ، اقامتِ صلوۃ ، ادائیگیٔ زکوۃ ، جانوروں کی قربانی اور جہاد وغیرہ۔

خلاصہ القرآن مکمل پڑھیں

اسلام کے بارے میں پڑھیں

خلاصہ القرآن:  حضرت مولانا محمد اسلم شیخوپوری شہید رحمۃاللہ علیہ

خلاصہ القرآن : 17 سترھواں پارہ​

Leave a Reply

Your email address will not be published. Required fields are marked *