خلاصہ القرآن: 23 تیئیسواں پارہ​

خلاصہ القرآن
Spread the love

الحمد اللہ آج خلاصہ القرآن کا تیئیسواں پارہ​ مکمل ہوا۔

خلاصہ القرآن مکمل پڑھیں

اس پارے میں چار حصے ہیں:

(1)   سورۂ یٰس (بقیہ حصہ)

(2)   سورۂ صافات (مکمل)

(3)   سورۂ ص (مکمل)

(4)   سورۂ زمر (ابتدائی حصہ)

 سورۂ یٰس کے بقیہ حصے میں تین باتیں یہ ہیں:

(1)   حبیب نجار کا قصہ: (ایک بستی والوں نے اپنے تین انبیاء کو جھٹلایا ، ان کی قوم کا ایک شخص جس کا نام حبیب نجار تھا نے انھیں سمجھانے کی کوشش کی تو انھوں نے اسے شہید کردیا ، جنت میں جاکر بھی اس نے تمنا کی کاش! میری قوم کو معلوم ہوجائے کہ مجھے کیسی نعمتیں ملی ہیں۔)

(2)   ﷲ کی قدرت کے دلائل: (مردہ زمین جسے بارش سے زندہ کردیا جاتا ہے۔ لیل و نہار اور شمس و قمر کا نظام۔ کشتیاں اور جہاز جو سمندر میں چلتے ہیں۔)

(3)   قیامت: (محشر کی ہولناکیاں ، صور پھونکے جانے کا تذکرہ ، اس دن مجرموں کے مونہوں پر مہر لگادی جائے گی اور ان کے اعضاء ان کے خلاف گواہی دیں گے۔)

خلاصہ القرآن مکمل پڑھیں

سورۂ صافات میں دو باتیں یہ ہیں:

(1)   جہنمیوں کا باہم لعن طعن اور جنتیوں کا خوشگوار مکالمہ

(2)   انبیائے کرام علیہم السلام کے قصے (حضرت نوح علیہ السلام ، حضرت ابراہیم علیہ السلام کی دعوتِ توحید ، انھیں بیٹے کو ذبح کرنے کا حکم اور اس کی تعمیل ، حضرت موسیٰ علیہ السلام اور حضرت ہارون علیہ السلام کا قصہ ، حضرت الیاس علیہ السلام کا قصہ جنھیں شام میں ایک ایسی قوم کی طرف نبی بنا کر بھیجا گیا تھا جو “بعل” نامی بت کی عبادت کرتی تھی، حضرت لوط علیہ السلام کی قوم کی شہوت پرستی کا قصہ ، حضرت یونس علیہ السلام کے مچھلی کے پیٹ میں ہونے کا قصہ۔)

 سورۂ ص میں دو باتیں یہ ہیں:​

(1)   توحید: (تمام انسانوں اور موت و حیات کے پورے نظام کے لیے ایک ﷲ ہی کافی ہے۔)

(2)   رسالت: (نبی کریم صلی اللہ علیہ وسلم کو تسلی ، قریش کی مذمت ، تسلی کے طور پر حضرت داؤد علیہ السلام کے شکر کا قصہ اور حضرت ایوب علیہ السلام کے صبر کا قصہ اور دیگر انبیائے کرام کے قصے)

سورۂ زمر کے ابتدائی حصے میں دو باتیں یہ ہیں:

(1)    قرآن کی عظمت

(2)   توحید (اللہ تعالیٰ انسان کو ماں کے پیٹ میں تین تاریکیوں میں پیدا فرماتے ہیں۔ مشرک کی مثال اس غلام کی سی ہے جس کے کئی آقا ہوں اور موحد کی مثال اس غلام کی سی ہے جس کا ایک ہی آقا ہو۔ )

خلاصہ القرآن مکمل پڑھیں

اسلام کے بارے میں پڑھیں

خلاصہ القرآن:  حضرت مولانا محمد اسلم شیخوپوری شہید رحمۃاللہ علیہ 

Leave a Reply

Your email address will not be published. Required fields are marked *