Spread the love

رمضان میں ہر ٹارگٹ میں بچوں کو ساتھ رکھیے۔قرآن پاک کی تلاوت،دعاٸیں و ازکار یا،احادیث کا کچھ نہ کچھ حصہ ضرور ذہن نشین کراٸیں۔
نوافل کی عادت بچوں کو سکھاٸیں۔
جو بچے قرآت سیکھنے کی ترغیب رکھتے ہیں،اس کا بہترین طریقہ موباٸل فون پہ کسی بھی قاری کی تلاوت سنواٸیں جس سے بچوں کی تجوید و قرآت دونوں بہتر ہونگی۔
اپنے بچوں کے ساتھ صدقات کثرت سے کریں اور ان کو صدقہ عطا کرنے پر حوصلہ افزاٸی کریں۔
گھر کے ایک حصے کو بچوں کے ساتھ عبادات وصلاة التروایح ادا کرنے کے لیے مختص کرلیں۔
گھر کے تمام کام سب افراد مل جل کر کریں بلکہ کاموں کو آپس میں بانٹ لیں۔
دن کاکوٸی ایک حصہ مخصوص کرلیں،چاہے صرف دس پندرہ منٹ ،تاکہ سب ایک دوسرے کو نٸی بات سکھایٸں یا پوچھ سکیں۔
کسی بھی قسم کے مشکل کام یا فیصلہ کے لیے صلاة استخارہ کا طریقہ بتاٸیں اور ہمیشہ اس کو اپنانے کی عادت ڈالیں۔
بچوں کے لیے (story time) کہانی کا وقت رکھ لیں،جس میں انبیإ اکرام،صحابہ و صحابیات کی زندگی کے چھوٹے چھوٹے سچے واقعات ان کو بتایٸں۔
جو بچے بہت چھوٹے ہیں،انکو muslim responces سکھایٸں ۔مثلا الحمدللہ،سبحان اللہ،ماشإ اللہ وغیرہ۔
چھوٹے بچوں کو اسمإ الحسنی یاد کرایٸں اور خوشخط انداز میں رنگوں کے ساتھ لکھنےکی حوصلہ افزاٸی کریں۔
اپنے ساتھ ساتھ بچوں کو روزے کی عادت ڈالیں،انکو روزے کے بے پناہ اجر کا بتا کر اسکی ترغیب کریں ۔
دعا کے ذریعے بچوں کا اللہ تعالی سے تعلق کو مضبوط کرنا سکھایٸں۔دعا کرنےکی اہمیت و قدرومنزلت شروع سے بچوں کو ذہن نشین کرایٸں۔

Ramadan | Fasting & Traditions | Britannica

اسلام کے بارے میں پڑھیں

رمضان کے بارے میں پڑھیں