ﻣﺠﮭﮯ ﻣﻮﺕ ﺳﮯ ﺑﮩﺖ ﺧﻮﻑ ﺁﺗﺎ ﮨﮯ

ﻣﺠﮭﮯ ﻣﻮﺕ ﺳﮯ ﺑﮩﺖ ﺧﻮﻑ ﺁﺗﺎ ﮨﮯ
Spread the love

ﮐﮩﺘﮯ ﮨﯿﮟ ﮐﮧ ﺍﯾﮏ ﺷﺨﺺ ﮐﻮ ﻣﻮﺕ ﺳﮯ ﺑﮩﺖ ﮈﺭ ﻟﮕﺘﺎ ﺗﮭﺎ۔ ﺩﻥ ﺭﺍﺕ ﺍﺳﯽ ﺧﻮﻑ ﻣﯿﮟ ﮔﮭﻠﺘﺎ ﺭﮨﺘﺎ ﺗﮭﺎ ﮐﮧ ﻭﮦ ﻣﺮ ﺟﺎﺋﮯ ﮔﺎ۔ ﻭﮦ ﻧﮧ ﺯﻧﺪﮔﯽ ﺳﮯ ﻟﻄﻒ ﺍﭨﮭﺎ ﺳﮑﺘﺎ ﺗﮭﺎ ﺍﻭﺭ ﻧﮧ ﮨﯽ ﺳﮑﻮﻥ ﺳﮯ ﮐﮭﺎ ﭘﯽ ﺳﮑﺘﺎ ﺗﮭﺎ۔ ﻧﮧ ﻟﻮﮔﻮﮞ ﺳﮯ ﮨﻨﺲ ﺑﻮﻝ ﺳﮑﺘﺎ ﺗﮭﺎ۔

ﺍﺱ ﮐﯽ ﺣﺎﻟﺖ ﺍﯾﺴﯽ ﺑﺮﯼ ﮨﻮﺋﯽ ﺗﻮ ﺍﺱ ﮐﮯ ﯾﺎﺭ ﺩﻭﺳﺖ ﻣﻞ ﮐﺮ ﺻﻼﺡ ﻣﺸﻮﺭﮦ ﮐﺮﻧﮯ ﻟﮕﮯ ﮐﮧ ﺍﺱ ﮐﺎ ﮐﯿﺎ ﮐﯿﺎ ﺟﺎﺋﮯ۔ ﺍﯾﮏ ﻧﮯ ﺻﻼﺡ ﺩﯼ ﮐﮧ ﯾﮧ ﻣﯿﻨﭩﻞ ﮨﻮ ﭼﮑﺎ ﮨﮯ، ﺍﺱ ﻟﯿﮯ ﺍﺳﮯ ﭘﺎﮔﻞ ﺧﺎﻧﮯ ﻣﯿﮟ ﺟﻤﻊ ﮐﺮﺍ ﺩﯾﺎ ﺟﺎﺋﮯ۔ ﺳﺐ ﻧﮯ ﯾﮧ ﺭﺍﺋﮯ ﻣﺴﺘﺮﺩ ﮐﺮ ﺩﯼ ﮐﮧ ﭘﺎﮔﻞ ﺧﺎﻧﮯ ﻭﺍﻟﮯ ﺍﯾﺴﺎ ﭘﯿﺲ ﭘﺎ ﮐﺮ ﮐﮩﯿﮟ ﺧﻮﺩ ﺑﮭﯽ ﭘﺎﮔﻞ ﻧﮧ ﮨﻮ ﺟﺎﺋﯿﮟ۔

ﺩﻭﺳﺮﺍ ﺩﻭﺳﺖ ﭼﺮﺳﯽ ﺗﮭﺎ ﺟﻮ ﺍﭘﻨﮯ ﺳﺎﺭﮮ ﻏﻢ ﺩﮬﻮﯾﮟ ﻣﯿﮟ ﺍﮌﺍﻧﮯ ﮐﺎ ﻗﺎﺋﻞ ﺗﮭﺎ۔ ﺍﺱ ﻧﮯ ﻣﺸﻮﺭﮦ ﺩﯾﺎ ﮐﮧ ﺍﺳﮯ ﭘﮑﮯ ﺳﻮﭨﮯ ﭘﺮ ﻟﮕﺎ ﺩﯾﺎ ﺟﺎﺋﮯ ﺗﻮ ﻭﮦ ﺑﮭﯽ ﭼﺮﺳﯽ ﮐﯽ ﻃﺮﺡ ﺧﻮﺵ ﺑﺎﺵ ﮨﻮ ﺟﺎﺋﮯ ﮔﺎ۔ ﺟﺐ ﺑﮭﯽ ﻏﻢ ﺳﺘﺎﺋﮯ ﮔﺎ، ﺍﯾﮏ ﮔﮩﺮﺍ ﮐﺶ ﮨﯽ ﻏﻢ ﮐﻮ ﺍﮌﺍ ﺩﮮ ﮔﺎ۔ ﺳﺐ ﻧﮯ ﺍﺱ ﻣﺸﻮﺭﮮ ﮐﻮ ﺑﮭﯽ ﺍﭼﮭﺎ ﻧﮧ ﺟﺎﻧﺎ ﮐﮧ ﭘﮭﺮ ﻭﮦ ﮨﺮ ﺍﯾﮏ ﺳﮯ ﻧﺸﮯ ﮐﮯ ﻟﯿﮯ ﭘﯿﺴﮯ ﻣﺎﻧﮕﺘﺎ ﭘﮭﺮﮮ ﮔﺎ ﺍﻭﺭ ﺗﮭﺎﻧﮯ ﻣﯿﮟ ﺍﺱ ﮐﯽ ﺿﻤﺎﻧﺘﯿﮟ ﺑﮭﺮ ﺑﮭﺮ ﮐﺮ ﺳﺐ ﺗﻨﮓ ﭘﮍ ﺟﺎﺋﯿﮟ ﮔﮯ۔

ﺗﯿﺴﺮﮮ ﻧﮯ ﻣﺸﻮﺭﮦ ﺩﯾﺎ ﮐﮧ ﺍﺳﮯ ﺭﻭﺣﺎﻧﯿﺖ ﮐﺎ ﺭﺍﺳﺘﮧ ﺩﮐﮭﺎﯾﺎ ﺟﺎﺋﮯ ﮐﯿﻮﻧﮑﮧ ﯾﮧ ﺭﻭﺣﺎﻧﯽ ﻣﺮﺽ ﮨﮯ ﺍﻭﺭ ﺍﺱ ﮐﺎ ﺭﻭﺣﺎﻧﯽ ﻋﻼﺝ ﮨﯽ ﺷﻔﺎ ﺩﮮ ﮔﺎ۔ ﺍﺱ ﭘﺮ ﺳﺐ ﻣﺘﻔﻖ ﮨﻮﺋﮯ ﺍﻭﺭ ﺍﺳﮯ ﻟﮯ ﮐﺮ ﺍﯾﮏ ﺻﻮﻓﯽ ﺻﺎﺣﺐ ﮐﮯ ﭘﺎﺱ ﭘﮩﻨﭽﮯ۔

ﺻﻮﻓﯽ ﺻﺎﺣﺐ ﻧﮯ ﭘﻮﭼﮭﺎ ﮐﮧ “ ﺑﭽﮧ، ﺑﺘﺎ ﮐﮧ ﺗﺠﮭﮯ ﮐﯿﺎ ﭘﺮﯾﺸﺎﻧﯽ ﮨﮯ؟”

ﻣﺠﮭﮯ ﻣﻮﺕ ﺳﮯ ﺑﮩﺖ ﺧﻮﻑ ﺁﺗﺎ ﮨﮯ

ﺷﺨﺺ : ﺻﻮﻓﯽ ﺻﺎﺣﺐ، ﻣﺠﮭﮯ ﻣﻮﺕ ﺳﮯ ﺑﮩﺖ ﺧﻮﻑ ﺁﺗﺎ ﮨﮯ۔ ﺳﻮﭼﺘﺎ ﮨﻮﮞ ﮐﮧ ﺍﺑﮭﯽ ﮐﮭﮍﮮ ﮐﮭﮍﮮ ﮔﺮﻭﮞ ﮔﺎ ﺍﻭﺭ ﻣﺮ ﺟﺎﻭٔﮞ ﮔﺎ۔ ﯾﺎ ﺑﮩﺖ ﮐﺎﻣﯿﺎﺏ ﺯﻧﺪﮔﯽ ﺑﮭﯽ ﮔﺰﺍﺭ ﻟﯽ ﺗﻮ ﺳﺐ ﮐﭽﮫ ﯾﮩﯿﮟ ﭘﮍﺍ ﺭﮦ ﺟﺎﺋﮯ ﮔﺎ ﺍﻭﺭ ﻣﯿﮟ ﻗﺒﺮ ﻣﯿﮟ ﺗﻨﮩﺎ ﭘﮍﺍ ﮨﻮﮞ ﮔﺎ۔

ﺻﻮﻓﯽ : ﻣﯿﺮﮮ ﺑﭽﮯ، ﺍﯾﮏ ﺑﺎﺕ ﺑﺘﺎﻭٔ۔ ﺍﮔﺮ ﺗﻢ ﮐﺴﯽ ﺳﮯ ﭼﻨﺪ ﺭﻭﭘﮯ ﻗﺮﺽ ﻟﯿﺘﮯ ﮨﻮ، ﺗﻮ ﮐﯿﺎ ﻭﮦ ﻗﺮﺽ ﻭﺍﭘﺲ ﮐﺮﻧﮯ ﺳﮯ ﮈﺭﺗﮯ ﮨﻮ؟

ﺷﺨﺺ : ﺑﺎﻟﮑﻞ ﺑﮭﯽ ﻧﮩﯿﮟ۔ ﻗﺮﺽ ﺗﻮ ﻟﯿﺎ ﮨﯽ ﺍﺱ ﻟﯿﮯ ﺟﺎﺗﺎ ﮨﮯ ﮐﮧ ﻭﺍﭘﺲ ﮐﯿﺎ ﺟﺎﺋﮯ۔ ﻟﯿﮑﻦ ﺍﺱ ﺑﺎﺕ ﮐﺎ ﻣﻮﺕ ﺳﮯ ﮐﯿﺎ ﺗﻌﻠﻖ ﮨﮯ؟

ﺻﻮﻓﯽ ﻧﮯ ﺯﻣﯿﻦ ﺳﮯ ﻣﭩﮭﯽ ﺑﮭﺮ ﺧﺎﮎ ﺍﭨﮭﺎﺋﯽ ﺍﻭﺭ ﮐﮩﻨﮯ ﻟﮕﺎ ﮐﮧ “ ﺗﻢ ﺍﺱ ﺧﺎﮎ ﺳﮯ ﺍﭨﮭﮯ ﮨﻮ ﺍﻭﺭ ﺧﺎﮎ ﮐﻮ ﯾﮧ ﻗﺮﺽ ﺍﯾﮏ ﺩﻥ ﻭﺍﭘﺲ ﮨﻮﻧﺎ ﮨﯽ ﮨﮯ۔ ﺗﻤﮩﺎﺭﺍ ﮨﺮ ﻟﻘﻤﮧ، ﺗﻤﮩﺎﺭﺍ ﮨﺮ ﮔﮭﻮﻧﭧ، ﺧﺎﮎ ﮐﮯ ﺍﺱ ﻗﺮﺽ ﻣﯿﮟ ﺍﺿﺎﻓﮧ ﮐﺮ ﺭﮨﺎ ﮨﮯ۔ ﯾﮧ ﺧﻮﺏ ﺟﺎﻥ ﻟﻮ ﮐﮧ ﺟﺲ ﻣﭩﯽ ﭘﺮ ﺗﻢ ﭼﻠﺘﮯ ﭘﮭﺮﺗﮯ ﮨﻮ، ﺗﻢ ﺍﺳﯽ ﺳﮯ ﻟﯿﺎ ﮨﻮﺍ ﺍﯾﮏ ﻗﺮﺽ ﮨﻮ، ﺍﻭﺭ ﺍﺱ ﻣﭩﯽ ﭘﺮ ﺭﮐﮭﺎ ﮨﻮﺍ ﺗﻤﮩﺎﺭﺍ ﮨﺮ ﻗﺪﻡ ﺗﻤﮩﯿﮟ ﺍﺱ ﺑﺎﺕ ﮐﯽ ﯾﺎﺩ ﺩﻻﺗﺎ ﮨﮯ۔ ﯾﮧ ﻣﭩﯽ ﺗﻤﮩﯿﮟ ﺍﭘﻨﯽ ﻃﺮﻑ ﮐﮭﯿﻨﭽﺘﯽ ﮨﮯ۔ ﺁﺧﺮ ﮐﺎﺭ ﯾﮩﯽ ﻣﭩﯽ ﺗﻤﮩﯿﮟ ﻧﮕﻞ ﺟﺎﺋﮯ ﮔﯽ، یہ ﻣﻮﺕ آ کے ہی رہے گی ﺍﻭﺭ ﺗﻤﮩﺎﺭﯼ ﮐﻮﺋﯽ ﻧﺸﺎﻧﯽ ﺑﺎﻗﯽ ﻧﮩﯿﮟ ﺭﮨﮯ ﮔﯽ۔ ”

ﯾﮧ ﮐﮩﮧ ﮐﺮ ﺻﻮﻓﯽ ﺻﺎﺣﺐ ﻧﮯ ﻣﭩﮭﯽ ﻣﯿﮟ ﺑﮭﺮﯼ ﮨﻮﺋﯽ ﻣﭩﯽ ﺍﻭﻧﭽﯽ ﺍﭼﮭﺎﻝ ﺩﯼ ﺍﻭﺭ ﮐﮩﻨﮯ ﻟﮕﮯ ﮐﮧ “ ﺍﺱ ﺳﮯ ﮐﻮﺋﯽ ﻓﺮﻕ ﻧﮩﯿﮟ ﭘﮍﺗﺎ ﮨﮯ ﮐﮧ ﺗﻢ ﺯﻧﺪﮔﯽ ﻣﯿﮟ ﮐﺘﻨﺎ ﺍﻭﻧﭽﺎ ﺍﭨﮫ ﺟﺎﺗﮯ ﮨﻮ۔ ﺍﺱ ﻣﭩﮭﯽ ﺑﮭﺮ ﻣﭩﯽ ﮨﯽ ﮐﯽ ﻣﺎﻧﻨﺪ ﺗﻢ ﻭﺍﭘﺲ ﺯﻣﯿﻦ ﮐﯽ ﻃﺮﻑ ﭘﻠﭩﻮ ﮔﮯ۔ ﻣﻮﺕ ﮐﮯ ﺍﺱ ﺧﻮﻑ ﺳﮯ ﻧﺠﺎﺕ ﭘﺎﻧﺎ ﻧﮩﺎﯾﺖ ﺁﺳﺎﻥ ﮨﮯ۔ ﺍﭘﻨﯽ ﺯﻧﺪﮔﯽ ﮐﻮ ﺗﺤﻔﮧ ﺧﺪﺍﻭﻧﺪﯼ ﺳﻤﺠﮭﻮ۔ ﺍﭘﻨﮯ ﺟﺴﻢ ﮐﻮ ﺍﭘﻨﯽ ﻣﻠﮑﯿﺖ ﺳﻤﺠﮭﻨﺎ ﭼﮭﻮﮌ ﺩﻭ۔

ﺑﺲ ﯾﮩﯽ ﺳﻤﺠﮭﻮ ﮐﮧ ﯾﮧ ﺟﺴﻢ ﺗﻤﮩﯿﮟ ﺍﺩﮬﺎﺭ ﻣﻼ ﮨﮯ ﺍﻭﺭ ﺗﻤﮩﯿﮟ ﯾﮧ ﻣﻌﻠﻮﻡ ﻧﮩﯿﮟ ﮨﮯ ﮐﮧ ﮐﺘﻨﯽ ﻣﺪﺕ ﮐﮯ ﺑﻌﺪ ﺗﻢ ﻧﮯ ﺍﺱ ﺍﺩﮬﺎﺭ ﮐﮯ ﺟﺴﻢ ﮐﻮ ﻟﻮﭨﺎﻧﺎ ﮨﮯ۔ ﺳﻮ ﺍﺩﮬﺎﺭ ﻭﺍﭘﺲ ﮐﺮﻧﮯ ﭘﺮ ﮐﺲ ﭼﯿﺰ ﮐﺎ ﺧﻮﻑ ﮨﮯ؟ ﺧﺪﺍ ﮐﺎ ﺷﮑﺮ ﺍﺩﺍ ﮐﺮﻭ ﮐﮧ ﺍﺱ ﻧﮯ ﺗﻤﮩﯿﮟ ﺍﺗﻨﯽ ﺧﻮﺑﺼﻮﺭﺕ ﭼﯿﺰ ﺍﺳﺘﻌﻤﺎﻝ ﮐﮯ ﻟﯿﮯ ﺩﯼ ﮨﮯ ﺍﻭﺭ ﺍﭘﻨﯽ ﻧﻌﻤﺖ ﺗﻢ ﭘﺮ ﺗﻤﺎﻡ ﮐﯽ ﮨﮯ۔ ﺳﻮ ﺧﻮﻑ ﻣﺖ ﮐﺮﻭ، ﺧﺪﺍ ﮐﺎ ﺷﮑﺮ ﺍﺩﺍ ﮐﺮﻭ۔ ”

ﻭﮦ ﺷﺨﺺ ﻣﻮﺕ کے ﺑﺎﺭﮮ ﻣﯿﮟ بدن کا قرض واپس کرنے کا ﺟﺘﻨﺎ ﺳﻮﭼﺘﺎ، ﺍﺗﻨﺎ ﮨﯽ ﺧﺪﺍ ﮐﺎ ﺷﮑﺮﮔﺰﺍﺭ ﮨﻮﺗﺎ، ﺍﻭﺭ ﺍﺱ ﻃﺮﺡ ﺍﺱ ﻧﮯ ﻣﻮﺕ ﮐﮯ ﺧﻮﻑ ﺳﮯ ﻧﺠﺎﺕ ﭘﺎ ﻟﯽ۔

ﺟﻮ ﻟﻮﮒ ﺯﻧﺪﮔﯽ ﮐﯽ ﻧﻌﻤﺘﻮﮞ ﭘﺮ ﺧﺪﺍ ﮐﺎ ﺷﮑﺮ ﺍﺩﺍ ﮐﺮﺗﮯ ﮨﯿﮟ ﺍﻭﺭ ﺩﻭﺳﺮﻭﮞ ﮐﻮ ﺍﻥ ﻧﻌﻤﺘﻮﮞ ﻣﯿﮟ ﺷﺮﯾﮏ ﮐﺮﺗﮯ ﮨﯿﮟ، ﺍﻥ ﮐﻮ ﺧﺪﺍ ﮐﯽ ﻃﺮﻑ ﻭﺍﭘﺲ ﭘﻠﭩﻨﮯ ﻣﯿﮟ ﺧﻮﻑ ﻧﮩﯿﮟ ﺁﺗﺎ ﮨﮯ۔

تحریر نامعلوم

اسلام کے بارے میں پڑھیں

Death & the Hereafter in Islam

تعلیم کے بارے میں مزید پڑھیں

Death: a beautiful Gift for a believer

صحت کے متعلق مزید پڑھیں

Preparing to Meet Allah! by Mufti Menk

One Comment on “ﻣﺠﮭﮯ ﻣﻮﺕ ﺳﮯ ﺑﮩﺖ ﺧﻮﻑ ﺁﺗﺎ ﮨﮯ”

Leave a Reply

Your email address will not be published. Required fields are marked *