معدے کی تیزابیت ختم کرنے کیلئے 4 اہم ہدایات

معدے کی تیزابیت
Spread the love

معدے کی تیزابیت اور سینے میں جلن کی متعدد وجوہات ہوتی ہیں جب کہ ہماری خوراک اور کھانے کا طریقہ بھی اس کیفیت میں اہم کردار ادا کرتا ہے۔

اگر بات کی جائے رمضان المبارک کے مہینے کی تو اس ماہ میں جب ہم روزے رکھتے ہیں تو سحری اور افطاری میں ہم ضرورت سے زیادہ کھا لیتے ہیں جب کہ ہم تلی ہوئی غذا کا بھی عام دنوں سے زیادہ استعمال کر رہے ہوتے ہیں۔

آج ہم آپ کو اسی حوالے سے بتانے والے ہیں کہ کن کن باتوں کا خیال رکھ کر ہم اس سے چھٹکارا حاصل کر سکتے ہیں ؟ ساتھ ہی چند ٹوٹکے بھی بتائیں گے جس سے آپ کو جلد آرام آسکتا ہے۔

1۔ خوراک کی مقدار اور طریقہ کار

ماہرین کا کہنا ہے کہ کہ اگر آپ کو معدے میں تیزابیت یا سینے میں جلن محسوس ہو تو آپ کو اپنی خوراک کی مقدار کو کم کردینا چاہیے جب کہ آپ کو کھانا زیادہ دیر تک چبانا ہوگا، یعنی اچھی طرح چبا کر کھائیں۔

دوسری جانب ضرورت سے زیادہ کھانا بھی معدے میں تیزابیت اور سینے کی جلن کی وجہ بن سکتا ہے اس لیے ہمیں معتدل رہ کر خوراک لینی چاہیے اور روزانہ ورزش کرنی چاہیے۔

2۔ سونف کا استعمال

اگر آپ کو معدے میں تیزابیت اور سینے میں جلن رہتی ہے تو اس کے لیے سونف کا استعمال بے حد معاون ثابت ہوتا ہے، ہر کھانے کے بعد اگر ایک چھوٹا چمچ سونف کو اچھی طرح چبا کر کھایا جائے تو یہ بے حد مددگار ثابت ہوگا۔

3۔ ادرک کی چائے

ادرک کونظام ہاضمہ کے لیے بہترین سمجھا جاتا ہے جب کہ ادرک معدے کی تیزابیت ختم کرنے میں بھی مددگار ثابت ہوتی ہے۔

روزانہ ایک کپ پانی میں ادرک کا ٹکڑا ڈال کر ابالنے کے بعد اس میں لیمو کے چند قطرے اور شہد ملا کر پینے سے معدے کی تیزابیت، بد ہضمی اور سینے میں جلن بھی ٹھیک ہوجاتی ہے۔

4۔ لیمو پانی

لیمو سینے کی جلن اور معدے کی تیزابیت کو کم کرنے میں بے حد مددگار ثابت ہوتا ہے، روزانہ ایک گلاس گرم پانی میں لیمو نچوڑ کر پینا معدے کے لیے معاون ہوگا۔

Food to Avoid Acidity in Stomach

مزید پڑھیے: 15 بیماریوں کا گھریلو اور سستا علاج

صحت مند رہنے کے لیے مزید پڑھیں

2 Comments on “معدے کی تیزابیت ختم کرنے کیلئے 4 اہم ہدایات”

Leave a Reply

Your email address will not be published. Required fields are marked *